कुमुदिनीका विद्यार्थीले मनाए ह्याप्पि ग्राण्डप्यारेन्ट्स डे
पोखरा, २३ भदौ ।
कुमुदिनी होम्स माध्यमिक विद्यालयका विद्यार्थीले आज ह्याप्पि ग्राण्ड्प्यारेन्ट्स डे मनाएका छन् ।
मन्टेसरी देखि कक्षा ३ सम्मका विद्यार्थीहरु उनीहरुका बाजेबज्यसंगै विद्यालयको सभाकक्षमा भरिभराउ भएका थिए ।
सो अवसरमा आफ्नो हजुरआमा, हजुरबुबाहरुसंग नाच्दै, गाउँदै रमाउँदै केहि समय बिताएका थिए ।
विद्यार्थीहरुले एकल तथा समूहमा नृत्य गरे भने बाजे बज्यैहरु तातो आलु लगायतका खेलमा सरिक भए ।
कार्यक्रममा सरिक भएका विद्यार्थीका अभिभावक राजु भण्डारी लगायतले विद्यार्थीको हौसला बढाउन र पढाईका लागि उत्साहि बनाउन यस्ता कार्यक्रम महत्वपूर्ण भएको बताए ।
विद्यालयका संस्थापक अध्यक्ष अशोक पालिखेले विद्यार्थीको पढाईको साथसाथै अतिरीक्त क्रियाकलापहरु निरन्तर भईरहेको बताए ।
बाजे बज्यैको लागि यो दिवश महत्वको हो । एकदिन केहि समयको लागि उहाँहरुसंगै विभिन्न क्रियाकलापमा सहभागि हुन पाएकाले छुट्टै अनुभूति र उत्पे्ररणा जगाएको उनले बताए ।
