• आजबाट राष्ट्रिय औद्योगिक व्यापार मेला, टिकटमा बम्पर प्राइज बाइक

    January 3, 2020     12:59 pm

    पोखराको नयाँबजार स्थित प्रदर्शनी केन्द्रमा आयोजना हुने ‘समृद्धि राष्ट्रिय औद्योगिक व्यापार मेला, २०७६ पोखराको तयारी पूरा भएको छ । आयोजक पोखरा उद्योग वाणिज्य संघले बुधबार पत्रकार सम्मेलनकोआयोजना गरि मेलाको सम्पूर्ण तयारी अन्तिम चरणमा पुगेको जानकारी गराएको हो ।

    ‘मेलाका केही सामान्य कामबाहेकका मुख्य तयारी सकिएको छ’, पत्रकार सम्मेलनमा संघका अध्यक्ष दामु अधिकारीले भने,‘हामी अब मेलाको समुद्घाटनको पखाईमा छौँ ।’ पुस १८ बाट २८ गतेसम्म चल्ने मेलाको गण्डकी प्रदेशका मुख्यमन्त्री पृथ्वीसुब्बा गुरुङले उद्घाटन गर्दैछन् । मेलाको उद्घाटनअघि संघको सचिवालयबाट प्रभातफेरीको आयोजना गरिने उनले बताए । उत्पादक र उपभोक्तालाई एउटै थलोमा भेट गराउने तथा उद्यमशीलता सिकाउने उदेश्य बोकेको मेलामार्फत नेपाल भ्रमण वर्ष २०२० लाई सघाउने पनि उनले जिकिर गरे ।

    मेलामा औद्योगिक क्षेत्रका उद्योगहरुबाट २० वटा स्टलसहितको छुट्टै पेभेलियन,हस्तकलाका २३, गलैँचा, बैंक तथा वित्तिय क्षेत्र, फ्लोरिकल्चरसहितका झण्डै २ सय ७० वटा स्टल रहने छन् । यी स्टलमार्फत अटोमेला, सूचना तथा प्रविधिहरुको प्रदर्शनी, विभिन्न सरकारी तथा गैह्र सरकारी संघ संस्थाहरुको गतिविधीहरुको प्रदर्शन गरिने पत्रकार सम्मेलनमा जानकारी दिइयो ।

    मेला अवलोकनकर्तालाई नेपाल टेलिकमसँगको सहकार्यमा ६० रुपैयाँको टिकट काटेपछि ५० रुपैयाँ ब्यालेन्स भएको सिमकार्ड प्रदान गरिने व्यवस्था मिलाइएको संघका वरिष्ठ उपाध्यक्ष नारायण कोइरालाले बताए । उनका अनुसार विद्यार्थीहरुको लागि परिचयपत्रको आधारमा प्रवेश टिकटको शुल्क ४० रुपैयाँ कायम गरिएको छ । सिमकार्ड लिनको लागि अवलकोकनकर्ताले आफ्नो नागरिकताको फोटोकपी र एउटा फोटो भने ल्याउनु पर्नेछ । मेला परिसरमा रहने नेपाल टेलिकमको स्टलमार्फत सिमकार्ड बितरण गरिने छ । दैनिक रुपमा टिकटमा भाग्यशालीले पुरस्कार जित्नेछन् भने अन्तिम दिन बम्पर प्राईज अन्तर्गत मोटरसाइकल पाउने आयोजकले जनाएको छ ।

    यता संघका वाणिज्य उपाध्यक्ष पवनकुमार प्रजापतिका अनुसार मेलामा वुटवलका इन्जिनियर शिशिर जिसीले आविष्कार गरेका ६० प्रतिशत इन्धन र ४० प्रतिशत पानीको प्रयोगबाट मोटर र मोटरसाइकल चल्ने प्रविधिलाई प्रवद्र्धन गर्ने कार्यक्रम पनि रहेको छ । मेलामा लोकदोहोरी प्रतियोगिता,पञ्चेबाजा प्रतियोगिता ,नेपालका ख्यातिप्राप्त व्याण्डहरुको सांगितिक कार्यक्रम, खुल्ला एकल नृत्य प्रतियोगिता र प्रहशनहरु पनि समावेश गरिएको उद्योग उपाध्यक्ष विन्दु कोइराला सुवेदीले जानकारी दिइन् ।

    संघका महासचिव अर्जुृन पोखरेलले मेलाले पर्यटन प्रवद्र्धनलाई विशेष जोड दिएको बताए । उनले संघको नियमित कार्यक्रमको रुपमा समावेश भए पनि मेला सबै पोखरेलीको भएको जिकिर गरे । संघका कोषाध्यक्ष सुरेन्द्रमान विजुक्छेले करिब १ लाख अवलोकनकर्ताले मेलामा सहभागिता जनाउने दावी गर्दै मेलाबाट करिब ३० लाख वचत हुने अनुमान लगाए । उपमहासचिव चिनु गुरुङले मेलामा महिला उद्यमीका उत्पादनहरुको प्रदर्शनी तथा बिक्रीलाई विशेष महत्व दिइएको बताइन् ।

    पोखरा उद्योग वाणिज्य संघ, नेपाल उद्योग वाणिज्य महासंघ, गण्डकी प्रदेश तथा नेपाल उद्योग वाणिज्य महासंघको आयोजना, पोखरा महानगरपालिकाको संरक्षण, नेपाल पर्यटन वोर्ड, आइएमई ग्रुप तथा राष्ट्रिय वाणिज्य बैंकको प्रवद्र्धनमा लगानीको सम्वर्दन ः उद्योग व्यवसायको प्रवद्र्धन भन्ने उद्घोषसहितको ’समृद्धि स्टिल्स राष्ट्रिय औद्योगिक व्यापार मेला –२०७६, पोखरा’ को सहप्रायोजकमा हिमशिखर कृषि सहकारी संस्था लिमिटेडको उपकार ब्राण्ड जोडिएको छ । यसैगरि मेलासँग नेपाल टेलिकम,गरिमा विकास बैंक ,एनएमबि बैंक,गोल्छा अर्गनाइजेसन,एनआइसी एसिया बैंक,कुमारी बैंक,हिमश्री फुड्सको रारा चाउचाउ,बरुण बेभरेज,विजय डिष्टिलरी,हाइलाइफ फुड प्रोडक्ट,सगरमाथा इन्स्योरेन्स, अजोड इन्स्योरेन्स, बंगलामुखी एम्युजमेण्ट प्रालि पनि मेलाका विभिन्न सहयोगी विधामा जोडिएका छन् । मेलाको हस्पिटालिटी पार्टनरमा कुटी रिसोर्ट रहेको छ । मेलाको प्रवेश टिकटमा दैनिक लक्की ड्रमार्फत प्रदान गरिने उपहारको लागि हनुमान प्याराग्लाइडिङ प्रालि,स्काई बर्ड प्याराग्लाइडिङ प्रालि तथा द सोनिका अटोमार्ट प्रालिसँग सहकार्य भएको छ ।

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।