• जापान कामदार पठाउने समझदारी हुँदै, ४० हजार कामदार लैजाने एन–४ र सीप जानेको हुनुपर्ने

    March 24, 2019     6:27 pm

    पोखरेली न्युज चैत १० /

    नेपाली कामदार जापान लैजाने विषयमा नेपाल र जापानबीच केही दिनमै समझदारी हुने भएको छ। मन्त्रिपरिषद् बैठकले दुई देशबीच हुने समझदारीमा हस्ताक्षर गर्न श्रम, रोजगार तथा सामाजिक सुरक्षा मन्त्रालयका सचिव महेश दाहाललाई जिम्मेवारी तोकेपछि अबको केही दिनमा हस्ताक्षर हुने भएको हो।

    मन्त्रालयका एक अधिकारीले सम्भवतः सोमबार दाहाल र जापानी राजदूतबीच कामदार पठाउने विषयमा हस्ताक्षर हुने बताए। ‘सोमबार दुई देशबीच कामदार पठाउने विषयमा हस्ताक्षर गर्ने तयारीमा छौं,’ ती अधिकारीले भने, ‘हाम्रो योजना अनुसार काम अघि बढ्यो भने सोमबार नत्र त्यसको केही दिनपछि समझदारीमा हस्ताक्षर हुन्छ।’

    जापान कामदार पठाउने प्रक्रिया जिटुजी तहमा हुने लगभग तय भइसकेको बताइएको छ। जापान जानुअघि भाषा र सीप अनिवार्य गरिएको छ। रोजगारीका लागि जापान जानेले एन–४ (मध्यम स्तर) तहको जापनीज भाषा उत्तीर्ण गर्नुपर्ने छ। त्यस्तै सम्बन्धत कामको सीप जानेको हुनुपर्छ।

    निकै लामो समयदेखि नेपालले जापानमा कामदार पठाउने प्रयास गर्दै आए पनि यसैवर्ष जापानले विभिन्न नौ मुलुकबाट विदेशी कामदार लैजाने निर्णय गरेपछि नेपालकी युवाको जापान रोजगारीको बाटो खुलेको हो। मन्त्रालयका अधिकारीका अनुसार जापानले पहिलो वर्ष नेपालबाट निकै थोरै कामदार लैजाने सम्भावना छ। जापानले विदेशी कामदारको अभाव टार्न आगामी ५ वर्षमा झण्डै ३ लाख ४५ हजार विदेशी कामदार भित्र्याउने योजना बनाएको छ।

    दुबै देशका अधिकारीले नेपाली कमदारलाई छुट्याएको कोटा जानकारी नदिएपनि झण्डै ४० हजार नेपालीले रोजगार पाउनु आशा गरिएको छ। जापानले नेपालसहित चीन, भियतनाम, इण्डोनेसिया, फिलिपिन्स, कम्बोडिया, थाइल्याण्ड, म्यानमार र मंगोलियाबाट कामदार लिने बताएको छ। १४ आटा औद्योगिक क्षेत्रमा कामदार राख्न सकिने जापानको भनाइ छ।

    समझदारीपछि सम्भवतः आउँदो वैशाखदेखि नेपाली कामदार जापान जान सक्ने बताइएको छ। जापानले गत पुसमा नेपालसहित भियतनाम, चीन, फिलिपिन्स, इण्डोनेसिया, थाइल्यण्ड, म्यानमार, कम्बोडिया र मंगोलियाबाट १४ प्रकारका कामका गर्न विदेशी कामदार लैजाने निर्णय गरेको थियो।नागरिक

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।