• एनआइसी एशिया र एसबिआई बैंकका २० कर्मचारीविरुद्ध मुद्दा हाल्दै सम्पत्ति शुद्धिकरण विभाग

    September 16, 2019     10:06 pm

    पोखरा भदौ ३०। कालो धनलाई सेतो बनाउन सहयोग गरेको अभियोगमा सम्पत्ति शुद्धिकरण अनुसन्धान विभागले एनआइसी एशिया र नेपाल एसबिआई बैंकका ब्राञ्च म्यानेजरसहित २० कर्मचारीविरुद्ध मुद्दा दायर गर्ने भएको छ ।नक्कली कम्पनी खडा गरी व्यापारिक कारोबार गरेको भन्दै एनआइसी एशिया र एसबिआई बैंकमार्फत् २६ करोड रुपैयाँ भारत पुर्‍याइएको घटनामा विभागले छानविन गर्दा बैंकका कर्मचारीहरुको सहभागिता देखिएपछि उनीहरुविरुद्ध विभागले मुद्दा दायर गर्न लागेको हो ।

    लामो समयदेखि अनुसन्धानको प्रक्रियामा रहेको यो केश अहिले अघि बढेको हो ।‘हामीले आफ्नो अनुसन्धान सकेका छौं, मुद्दा दायर गर्नका लागि सरकारी वकिलकहाँ फाइल पठाइसकेका छौं,’ विभाग स्रोतले भन्यो, ‘संभवत आज वा भोलि सरकारी वकिलबाट फाइल फिर्ता आउँछ । र, मुद्दा दायर गर्छौं ।’

    अनुसन्धानमा बैंकका कर्मचारीको मिलेमतोमा कालो धनलाई सेतो बनाइएका तथ्यहरु फेला परेपछि मुद्दा दर्ताको प्रक्रिया अघि बढाइएको हो ।‘अवैध गतिविधिमा संलग्न भारतीय नागरिकले बैंकका कर्मचारीसँगको मिलेमतोमा कालो धनलाई सेतो बनाएर भारत लैजान सफल भएका छन्,’ स्रोतले भन्यो ।

    यसरी बनाइयो कालोलाई सेतो

    एक भारतीय नागरिकले नेपालमा आफ्नो ठूलो कम्पनी भएको कागज देखाए । तर, त्यो कम्पनी पूर्णरुपमा नक्कली थियो । उक्त कम्पनीले कन्ज्युमर गुड्स (उपभोग्य वस्तुहरु)को कारोबार गर्ने कागजमा उल्लेख छ । ती नक्कली व्यापारीले बैंकमा प्रस्तुत गरेको कागजात शंकास्पद हुँदाहुँदै पनि बैंकका कर्मचारीले भुक्तानी दिएको अनुसन्धानमा खुलेको छ ।‘काल्पनिक व्यापारिक संस्था बनाएर भारतमा पैसा लगेको पुष्टि भइसकेको छ,’ स्रोतले भन्यो ।बैंकमा प्रस्तुत गरिएका सम्पूर्ण कागजपत्र हेर्दा अधिकांश नक्कली भेटिएको थियो भने कितपयको कागजपत्र फर्म्याट नै मिलेको थिएन ।

    विभागले सम्बन्धित बैंकका कर्मचारीलाई बोलाएर बयान पनि लिइसकेको छ । टेलेक्स ट्रान्सफर (टिटी) मार्फत कालो धनलाई सेतो बनाएर भारत पुर्‍याइएको हो ।‘भारतबाट नेपाल पठाउने पनि व्यक्ति र यता रिसिभ गर्ने पनि व्यक्ति देखियो,’ विभाग स्रोतले भन्यो ‘ब्यापार कम्पनीले कम्पनीलाई गर्छ । व्यक्तिले व्यक्तिलाई होइन । तर यस्तो हुँदाहुँदै पनि बैंकले भुक्तानी दिएका छन् ।’

    यस्तो कारोबारमा छोटी भन्सारबाहेकका मूख्य भन्सारमा सबै कागजात कम्युटराईज हुनुपर्ने आसिकुडाको नियम छ । तर, उक्त कारोबारमा हस्तलिखित कागजातहरु पनि रहेको विभागले जनाएको छ । कम्पनीको आधिकारिकता र आम्दानीको स्रोतजस्ता विषयको अध्ययन नै नगरी बैंकका कर्मचारीले टिटीमार्फत करोडौँ भुक्तानी दिएका छन् ।अवैध रूपमा नेपालबाट भारतमा पैसा लैजाने भारतीय फरार छन् । यो घटनासँगै विभागले अन्य बैंकहरुसँग पनि टिटीमार्फत बाहिरिएका ठूलो कारोबारको विवरण मागेर छानबिन थालेको छ ।यसबारे विभागले राष्ट्र बैंकलाई जानकारी गराइसकेको छ । र, राष्ट्र बैंकले पनि यसबारे बैंकहरूलाई सर्कुलर गरिसकेको छ ।किल्कमाडु

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।