• लामाचौर तीज महोत्सव विहीवारदेखि सुरु

    August 29, 2019     11:02 pm

    लामाचौरको नव आर्दश सामुदायिक विकास समाजको आयोजनामा पोखराको इन्द्रराज्य लक्ष्मि माविको परिसरमा विहिबार देखि लामाचौर तीज महोत्सव २०७६ सुरु भएकोे छ । यही भदौं १६ गतेसम्म संचालन हुने उक्त महोत्सवको विहिबार एक समारोहका बिच गण्डकी प्रदेशका उप—सभामुख सृजना शर्माले उद्घाटन गरेकी हुन्।

    कार्यक्रममा बोल्दखै प्रदेशका उपसभामुख शर्माले तिज पर्वलाई नेपाली परम्परा अनुसार मनाउन आग्रह गरेकीछन्। उनले भनिन्“ पछिल्लो समयमा तिज केही भड्किलो भएको जनगुनासो सुन्नु परेको छ, अब यसमा सवै महिला दिदी बहिनी तथा दाजु भाईले नेपाली परम्परा अनुसार तिज पर्वको मर्म र भावना अनुसार मनाउनु होला, यसलाई बढी भड्किलो नबनाउनु होला । ” विभिन्न संघ संस्थाहरुले तिज पर्वको अवसरमा मेला र महोत्सव रमाईलोको लागि गरेको बताउदै उनले समाजले तिज पर्वको अवसरमा आयोजना भएको महोत्सवले सामाजिक क्षेत्रमा समेत उल्लेखनिय रुपमा योगदान दिदै खेलकुदको विकासमा समेत टेवा पु¥याएको जनाइन्। प्रदेश सांसद द्धय राजिव पहारी र रामजी बराल (जिवन), कास्कीका सहायक प्रमुख जिल्ला अधिकारी श्रीनाथ पौडेल लगायतले नेपाली नारीको महान पर्व हरितालिका तिज पर्वलाई महिलालाई शसक्त्तिकरण गर्न सक्ने गरी मनाउन सुझाव दिए । समाजका अध्यक्ष कमल बहादुर थापाको अध्यक्षतामा उद्घाटन सत्र सम्पन्न भएको हो ।

    महोत्सवको अवसरमा पोखरामा आयोजना भएको १० किलोमिटर खुल्ला पुरुष दौड प्रतियोगितामा एपिएफका ओम जिसीले उपाधि जितेकाछन्। जिसीले निर्धारित दुरी ३३ मिनेट ८ सेकेण्डमा पार गरी उपाधि सहित नगद १० हजार हात पार्न सफल भएका हुन्। विनोद गुरुङले ३३ मिनेट ३८ सेकेण्डमा उक्त दुरी पार गरी दोश्रो हुदा पुलिसका अनिल विकले ३५ मिनेट ३५ सेकेण्डमा उक्त दुरी पपार गरी तेश्रो भएका हुन् । दोश्रो हुनेले ७ हजार, तेश्रो हुुनेले ५ हजार र शान्त्वना भएका दिलिप बुढाथोकीले ५ हजार पुरस्कारको साथमा शिल्ड मेडल तथा प्रमाण—पत्र जितेका हुन्।

    त्यसै गरी विहिबार देखि अन्तर बिद्यालय स्तरिय छात्रा भलिवल प्रतियोगिता सुरु भएको छ । विहिबार भएको खेलमा विन्ध्यवासिनी माविलाई कास्की मोडनाइज बीले वाकओमरमा सहज जित दिएको छ । करुणा निधी एजुकेशन फाउण्डेसनले न्यू ग्यालेक्सि एकेडेमीलाई २५—१९, २५—१० को सोझो सेटमा पराजित गरेको हो । अर्को खेलमा सृजना माविले इन्द्रराज्य लक्ष्मि माविलाई २५—२३, २५—२० को सेटमा पन्छायो । कास्की मोडनाइज एले गोर्खा बोर्डिङलाई २५—१७, २५—२१ को सोझो सेटमा पराजित गर्यो । टप्स माविले विन्ध्यवासिनी माविलाई २५—१७, २५—१० को सोझो सेटमा पन्छायो । शुक्रबार विभिन्न खेलहरु हुने भएको खेल संयोजक शुसिल कुमार श्रेष्ठले बताए ।

    त्यसै गरी ५ किलोमिटर छात्रा दौडमा गौरी शंकर माविकी ओम माया थगामीले उपाधि जितिन । उनले निर्धारित दुरी २३ मिनेट २६ सेकेण्डमा पार गरेकी हुन्। प्रतियोगितामा एरोविक ट्रेनिङ सेन्टरकी प्रतिक्षा सुवेदी दोश्रो र जेएमसीकी सुनिता भट्टराई तेश्रो भइन्। गत बर्षमा इन्द्रराज्य लक्ष्मि माविबाट एसईईमा उत्कृष्ट अंक ल्याउने नारायण श्रेष्ठ र मनिसा गुरुङलाई महोत्सव उद्घाटनको अवसरमा सम्मान गरिएको महोत्सवका प्रचार संयोजक बुद्धि बहादुर खत्री क्षेत्रीले बताए । “मौलिक संस्कृतिको जगेर्ना गरौँ” भन्ने उद्घोषका साथ आयोजित महोत्सवमा बैंकिङ, रेष्टुरेण्ट, वाल उद्यान, लगायतका करिब ४० वटा व्यापारिक स्टलहरु रहेको समाजले जनाएको छ ।

    पोेखराको लामाचौर तीज महोत्सव २०७६ को अवसरमा आयोजना हुने राष्ट्रिय महिला भलिवल प्रतियोगितामा डिफेन्डीङ्ग च्याम्पियन शसस्त्र प्रहरी वल (एपिएफ) सहित ६ टिमको सहभागिता हुने भएको छ । भदौं १४ देखि १६ गतेसम्म संचालन हुने उक्त प्रतियोगितामा दुई विभागिय सहित ६ टिमको सहभागिता हुने भएकोे समाजले जनाएको छ । विभिन्न कलाकारहरुद्वारा साँस्कृतिक कार्यक्रमको प्रस्तुति, एवं विभिन्न विद्याका श्रष्टा सम्मान जस्ता कार्यक्रम रहने भएको सांस्कृतिक संयोजक दील बहादुर थापाले बताए । महोत्सवको मुख्य प्रायोजक डिसहोम टि.भि. रहेको छ ।

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।