• खेलकुद पत्रकार मञ्च गण्डकीको पदस्थापन

    March 18, 2019     8:41 pm

    तस्वीर सुदर्शन रञ्जित ।

    पोखरेली न्युज ४ चैत / नेपाल खेलकुद पत्रकार मञ्च गण्डकीको प्रथम अधिवेशनबाट निर्वाचित कार्यसमितिको
    सोमबार पदस्थापन भएको छ ।

    गण्डकी प्रदेशका सामाजिक विकास मन्त्री नरदेवी पुनकोे प्रमुख आतिथ्यमा भएको
    समारोहमा निर्वाचन समिति संयोजक अधिवक्ता विष्णुप्रसाद अधिकारीले
    कार्यसमितिका पदाधिकारी तथा सदस्यलाई पद तथा गोपनीयताको शपथ ग्रहण
    गराएका हुन् । मन्त्री पुनले प्रमाणपत्र वितरण गरिन् भने सांसदद्वय मीना गुरुङ र
    दीपक कोइरालाले माला र अबिर लगाइदिएका थिए ।

    पदस्थापन समारोहमा बोल्दै मन्त्री पुनले प्रदेशको खेलकुद विकासका लागि
    मञ्चसँग मन्त्रालयको समन्वय हुने बताइन् ।

    निर्वाचन संयोजक अधिवक्ता अधिकारीको अध्यक्षतामा भएको कार्यक्रममा सांसदद्वय
    मीना गुरुङ र दीपक कोइराला, पत्रकार महासंघ केन्द्रीय सदस्य रामकृष्ण ज्ञवाली,
    निर्वाचन समिति सदस्य समेत रहेका महासंघ कास्की अध्यक्ष दीपेन्द्र श्रेष्ठ, क्षेत्रीय
    खेलकुद विकास समिति अध्यक्ष सम्पन्न श्रेष्ठ, मञ्चका नवनिर्वाचित अध्यक्ष एकराज
    गिरी, पत्रकार महासंघ प्रदेश उपाध्यक्ष शान्ति गुरुङ लगायतले बोलेका थिए ।

    कार्यक्रममा मञ्चका निवर्तमान अध्यक्ष केशव पाठकले स्वागत र निर्वाचन समिति सदस्य
    प्रकाश बरालले संचालन गरेका थिए । सो अवसरमा निवर्तमान अध्यक्ष पाठकले अध्यक्ष
    गिरीलाई माइन्युज हस्तान्तरण गरेका थिए । कार्यक्रममा खेलसम्बद्ध विभिन्न
    संघसंस्थाका प्रतिनिधि लगायतको सहभागिता थियो ।

    गत फागुन २५ मा भएको निर्वाचनमा एकराज गिरीले दीननाथ बराललाई एक
    मतअन्तरले पछि पर्दै अध्यक्षमा निर्वाचित भएका थिए । ११ सदस्यीय कार्यसमितिमा
    उपाध्यक्ष रञ्जन अधिकारी, महासचिव विजय नेपाल, सचिव राजाराम पौडेल,
    कोषाध्यक्ष शशी पौडेल, सदस्य खुलातर्फ उमेश पुन, नारायण शाही ठकुरी,
    रोशन अधिकारी, समावेशी महिलातर्फ कविता घर्तीमगर, आदिवासी जनजातिमा गीता
    रानामगर र दलितमा सुशील नेपाली निर्विरोध भएका थिए ।

    यसैबीच, मञ्चको प्रथम बैठकले निर्वाचनमा सहयोग गर्ने सम्पूर्णमा हार्दिक
    धन्यवाद ज्ञापन गरेको महासचिव विजय नेपालले जनाए ।

    २०५७ सालमा स्थापित नेपाल खेलकुद पत्रकार मञ्च समन्वय समिति कास्की यस वर्ष
    गण्डकीको नाउँमा दर्ता भएको हो । मञ्चमा ५१ सदस्य छन् ।

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।