• पर्यटन क्षेत्रमा संस्कार जरुरी”– मन्त्री पुन

    August 7, 2019     6:20 pm

    पोखरा, २२ साउन ।पर्यटन क्षेत्रको विकासकालागि आतिथ्यता सत्कारसँगै पुर्वाधार विकासमा जोड दिनु पर्ने गण्डकी प्रदेशका सामाजिक विकास मन्त्री नरदेवी पुनले बताउनु भएको छ । महिला पर्यटन व्यवसायी मञ्चको वार्षिक साधारण सभामा मन्त्री पुनले पर्यटकको अधिकारलाई हनन हुनेगरी बसपार्कमा पुगेर पर्यटकको हात समाएर तान्ने संस्कार तोड्नु पर्ने बताउनुभयो । उहाँले पर्यटन क्षेत्रको विकासकालागि संस्कारयुक्त आतिथ्यताको जरुरी औल्याउनु भयो । पर्यटन क्षेत्रमा महिलाको योगदान अतुलनीय रहेको तर आर्थिक रुपान्तरणसँग नजोडिएकाले महिलाको योगदान गौण बनीरहेको उहाँको भनाइ थियो ।

    उहाँले महिलालाई आर्थिक सशक्तिकरण गराउन शिक्षा र तालिम आवश्यक रहेको बताउनुभयो। सामाजिक विकास मन्त्रालयले दक्ष जनशक्तीका लागि ५ करोड बजेटबाट सीप मुलक तालिम प्रदान गरिरहेको मन्त्री पुनले जानकारी गराउनु भयो । गण्डकी प्रदेश सभा सदस्य राजीव पहारीले पोखरा भन्दा पहिला लेकसाइड भनेर पर्यटक आउने भएकाले पर्यटन मैत्री नीति आवश्यक रहेको बताउनुभयो । फेवाताल विश्वको १३ औ सुन्दर ताल रहेकाले यसको सौन्दर्यलाई जोगाउनु सबै पर्यटनव्यवसायीको कर्तब्य भएको उहाँको भनाई थियो । नेपाल पर्यटन बोर्ड गण्डकी प्रदेशका प्रमुख काशीराज भण्डारीले पर्यटन क्षेत्रकोविकासमा नीजि क्षेत्र र सकारको सहकार्य भए पर्यटनबाट छिटटै आर्थिक समृद्धि हासिल हुने बताउनुभयो । पोखरा पर्यटन परिषदका अध्यक्ष चिरञ्जीवि पोखरेलले लेकसाइड शान्ति सुरक्षा सहित आवश्यक पुर्वाधार खडा गरी २४ सै घण्टा खुलाउनु पर्नेमा जोड दिनुभयो । पर्यटन विज्ञ बासु त्रिपाठीले पर्यटन विकासकोलागि अब नयाँ सोचकासाथ वृहत अध्ययन गरी अगाडी बढ्नु पर्ने बताउनुभयो ।

    पर्यटन वर्ष २०२० कनीजी क्षेत्रकाा नसंयोजक अग्नि कँडेलले स्वर्ग जस्तो पोखरा प्रति राज्यले चासो नदिँदा यसलाई अन्तराष्ट्रिय बजारमा प्रचार गर्न नसकिएको बताउनुभयो ।
    पत्रकार महासंघ कास्कीका अध्यक्ष दिपेन्द्र श्रेष्ठ, वडा नं ६ लेकसाइडका अध्यक्ष जगत पहारी, मितेरी आमा समुहका अध्यक्ष मिरा पौडेल, संस्थाका सल्लाहकार पम्फा पहारी, सामुदायिक प्रहरी सेवा केन्द्र बैदामका अध्यक्ष मिना भट्टराइ लगायतले पर्यटन लेकसाइडलाई विवादित बनाएर होइन साझा समस्यामा समाधान खोजेर दीर्घकालिन योजनाकासाथ अघि बढ्न सुझाव दिएका थिए । सो कार्यक्रमा महिला पर्यटन व्यवसायी विष्णु गुरुङ एकताको सम्पादनमा प्रकाशित “साहासी महिला” पुस्तकको मन्त्री पुनले विमोचन गर्नुभएको थियो । हरेक क्षेत्रमा रहेका महिलाको योगदानलाई लिपिवद्ध गर्ने सके महिलाको कामको मुल्यांकन हुने सम्पादक गुरुङले बताउनुभयो । संस्थाका अध्यक्ष जमुना पराजुलीले पर्यटन क्षेत्रको विकास र महिलाको व्यवसायिक पहिचानकालागि पहल गर्दै संस्थाले विभिन्न क्षमता विकास र प्रर्वद्धनात्मक कार्य गर्दै आइरहेको जानकारी दिनुभयो । संस्थाका उपाध्यक्ष पार्वती पाण्डे लामो संघर्ष पछि महिला पर्यटनक्षेत्रमा एकवद्ध भएर अघि बढ्दै गएको धारणा राख्नुभयो । सो अवसरमा सचिव उमा सुवेदीले संस्थाको प्रगति प्रतिवेदन प्रस्तुत गर्नुुभएको थियो ।

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।