• प्रधानमन्त्री ओली मोदीको शफथमा जाने

    May 27, 2019     5:59 pm

    पोखरा, जेठ १३ ।दोस्रो पटक कार्यभार सम्हाल्न लागेका भारतका प्रधानमन्त्री नरेन्द्र मोदीले शफथग्रहण कार्यक्रममा आफ्ना छिमेकी मुलुकका समकक्षीहरूलाई निम्त्याउने भएका छन्। उनले यस क्षेत्रका क्षेत्रीय संगठन सार्क र बिम्स्टेक दुवैका राष्ट्र एवं सरकार प्रमुखलाई निम्त्याउने निर्णय गरेका हुन्।

    सम्बन्धित मुलुकका दूतावासहरूले त्यस्तो निम्ता गरिसकेको कूटनीतिक स्रोतले बतायो।

    उनले २०१४ मा पहिलोपटक प्रधानमन्त्रीको जिम्मेवारी सम्हाल्दै गर्दा सार्कका राष्ट्र एवं सरकार प्रमुखलाई निम्त्याएर छिमेकलाई प्राथमिकता दिएको संकेत गरेका थिए। तर, मोदीको पहिलो कार्यकाल छिमेकहरूसँग राम्रो सहकार्यबिनै सकिएको छ।

    निर्वाचनको मुखमा आएर उनले छिमेकसँग केही नरम नीति लिएर सम्बन्ध सुधारको संकेत गरेका थिए।

    मोदीले यसपटक सार्कका नेपाल, भुटान, बंगलादेश, श्रीलंका, पाकिस्तान, अफगानिस्तान र माल्दिभ्सका साथै बिमस्टेकमा रहेका थाइल्याण्ड र म्यानमारका राष्ट्र एवं सरकार प्रमुखलाई समेत निम्तो दिनेछन्। यसको औपचारिक घोषणा गर्ने तयारी रहेको कूटनीतिक स्रोतले बतायो।

    प्रधानमन्त्री केपी शर्मा ओली मोदीको शफथग्रहण कार्यक्रममा जाने तयारी गरिसकेका छन्। उनले सोमबार जानकारी पाए लगत्तै आउने जानकारी गराइसकेको अधिकारीहरूले बताएका छन्। मौखिक जानकारी भइसकेको तर औपचारिक जानकारी हुन बाँकी रहेको अधिकारीहरूले बताए।

    दिल्लीस्थित नेपाली दूतावासले भने यसबारे औपचरिक जानकारी आइनसकेको बताएको छ। तर शफथमा निमन्त्रणा गरेमा उच्चतहबाट सहभागिता हुने जानकारी भने उसले दिएको छ।

    सन् २०१४ मा तत्कालीन प्रधानमन्त्री सुशील कोइराला मोदीको शफथग्रहणमा सहभागी भएका थिए। त्यतिबेला सार्कका सबै मुलुकबाट सहभागिता भएको थियो भने नेपालले पनि भारतले सार्कलाई महत्व दिएको बताइएको थियो।

    तर सार्क अहिले ओझेलमा परेको छ भने त्यसको शिखर सम्मेलन समेत चार वर्षदेखि हुन सकेको छैन। अहिले मोदीले कुन तवरबाट छिमेकलाई अघि बढाउँछन् स्पष्ट भइसकेको छैन। शफथ समारोहमा पाकिस्तानका प्रधानमन्त्री इमरान खानलाई समेत निमन्त्रण गरिएको अधिकारीहरुले बताए। प्रधानमन्त्री खानले पनि आउने प्रतिवद्धता ब्यक्त गरिसकेको बताइएको छ।

    यससँगै आफ्नो पुरानो रणनीतिक मित्र रसियाका राष्ट्रपति भ्लादिमिर पुटिनलाई पनि भारतले निमन्त्रणा गरेको र उनी सहभागी हुने संकेत मिलेको बताइएको छ। अन्नपूर्ण

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।