• काँग्रेस कोषाध्यक्षको सम्मेलनबाट १४ बुँदे पोखरा घोषणापत्र जारी

    April 12, 2019     10:18 pm

    पोखरा, २९ चैत । नेपाली काँग्रेस कोषाध्यक्षहरुको राष्ट्रिय कार्य समितिको पोखरामा सम्पन्न तेस्रो राष्ट्रिय सम्मेलनले १४ बुँदे पोखरा घोषणापत्र जारी गरेको छ ।

    घोषणापत्रमा महासमिति बैठकका विषयलाई पार्टीको विधानमा समावेश गर्न, माथिल्लोदेखि तल्लो तहसम्म निर्वाचनबाट नै कोषाध्यक्ष चयन गर्न, निष्ठा, लोकप्रियता, निरन्तरता, योग्यता र स्वच्छ छवि भएकालाई पार्टीमा उचित स्थान माग गरिएको छ ।

    त्यस्तै, प्रशिक्षण जस्ता कार्यक्रम अघि बढाउन, भातृ तथा शुभेच्छुक संस्थाको निर्वाचन निर्धारित समयमा गराउन, क्रियाशील सदस्यता पारदर्शी, वैज्ञानिक र निष्पक्ष भएर वितरण गर्न, मुलुकमा हत्या, हिंसा, बलात्कार, भ्रष्टाचार विरुद्व विरोधका कार्यक्रम अघि सार्न पार्टीलाई आग्रह गरिएको छ ।

    समितिका अध्यक्ष गोविन्द पुडासैनीद्वारा हस्ताक्षर गरी जारी गरिएको घोषणापत्रमा कास्की जिल्लाको क्षेत्र नं. २ लगायत संघ, प्रदेश र स्थानीय तहका रिक्त स्थानमा संविधान बमोजिम निर्वाचन गराउन सरकारसँग माग गर्दै काँग्रेस उम्मेद्वारलाई विजयी गराउन सक्रिय बन्ने, जिल्लामा आर्थिक अभाव हुन नदिन लेवि संकलन गर्ने र ६ महिनाभित्र सवै जिल्लामा १० लाख रुपैयाको आर्थिक कोष निर्माण गर्ने उल्लेख गरिएको छ ।

    त्यस्तै, प्रत्येक जिल्लामा आपतकालीन कोष व्यवस्था गर्नका लागि जिल्ला समितिलाई निर्देशन दिन केन्द्रीय समितिलाई आग्रह गरिएको छ । अहिलेसम्म खाता नखोलिएका जिल्लाहरुमा खाता खोल्नका लागि पहल गर्ने र २०७६ सालको नया वर्षसँगै पार्टी संगठन सुदृढ गर्न देशव्यापी अभियान संचालन गर्ने घोषणापत्रमा उल्लेख छ ।

    सम्मेलनले गत चैत्र १७ गतेको आँधीहुरीका कारण बारा र पर्सा जिल्लामा भएको धनजनको क्षतिप्रति दुःख व्यक्त गर्दै मानवीय सहयोगका लागि अनुरोध गरेको छ भने पूर्वसांसद रुद्रमणि भण्डारीको निधनमा दुःख व्यक्त गरेको छ ।

    सम्मेलन पोखरामा बिहीबार र शुक्रबार चलेको थियो । सवैको सहयोगबाट सम्मेलन सफल भयो, नेपाली काँग्रेस कोषाध्यक्षहरुको राष्ट्रिय कार्य समितिकी महासचिव लक्ष्मी पाण्डेले भनिन् – ‘सहयोग गर्ने सवैप्रति आभारी छौं।’

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।