• माझकोटका युवाहरुलाई उद्घोषण तालिम

    July 1, 2020     11:16 am

    १७ असार, पोखरा । वालिङ्ग नगरपालिका वडा नम्बर ३ को आयोजनामा युवा लक्षित आयमुलक कार्यक्रम अन्र्तगत ५ दिने उद्घोषण प्रशिक्षण कार्यक्रम सम्पन्न भएको छ । स्याङ्गजाको माझकोटमा सम्पन्न तालिममा २५ जना प्रशिक्षार्थीको सहभागिता रहेको थियो ।

    असार ११ गतेदेखि सञ्चालन भएको तालिम १५ गते समापन भएको थियो । समापन कार्यक्रममा सहभागीहरुलाई प्रमाणपत्र वितरण गर्दै वालिङ्ग नगरपालिकाका वडा नम्बर ३ का अध्यक्ष सुकबहादुर गुरुङ्गले युवाहरु नै समाज विकासको सम्वाहक भएकाले युवाहरुलाई चेतनशिल बनाउनका लागि तालिम आयोजना गरेको बताए । उनले बोल्ने कला मानिसको जीवन पद्दती भएकाले तालिमको आवश्यकता महसुस गरेर आयोजना गरिएको सुनाए ।

    प्रशिक्षण कार्यक्रमका संयोजक कौबहादुर गुरुङ्गले युवाहरुमा गरेको लगानीले समाजलाई नै फाइदा पुग्ने बताए । उनले तालिममा सिकेका कुरालाई व्यवहारिक जीवनमा पनि उतार्न प्रशिक्षार्थीहरुलाई सुझाव दिए । प्रशिक्षक नेपाल पत्रकार महासंघ कास्कीका कोषाध्यक्ष सन्जय मल्लले भौतिक विकास मात्रै होइन गाउँगाउँमा चेतनाको विकासको आवश्यकता रहेको बताए । यस्ता तालिमले युवाहरुको आत्मविश्वास र क्षमता अभिबृद्धि हुने उनको भनाइ थियो । अर्का प्रशिक्षक धनु गुरुङ्गले युवाहरुले आफु भित्र रहेको क्षमताको पहिचान गर्न का लागि पनि तालिम अपरिहार्य रहेको सुनाए ।

    कार्यक्रममा स्वागत वालिङ्ग नगरपालिका वडा नम्बर ३ का सचिव श्री लालचन्द्र पौडेलले गरेका थिए भने प्रशिक्षार्थी मुना गुरुङ्ग र खुम गुरुङ्गले आफ्नो अनुभव सुनाएका थिए । कार्यक्रमको सञ्चालन प्रशिक्षार्थी रामचन्द्र गुरुङ्ग र आसु गुरुङ्गले गरेका थिए ।

    वालिङ्ग नगरपालिका वडा नम्बर ३ का सदस्य नरमाया गुरुङ्ग, मीनमाया सुनार, सचिव श्री लालचन्द्र पौडेल, तालिम प्रशिक्षण समितीका सदस्य श्री लिल गुरुङ्ग, माझकोट माविका प्रधाध्यापक जगन्नाथ यादब लगायतले बोलेका थिए ।

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।