• इन्टरनेट सेवामा डिस होम लाग्दै २० करोड लगानी गर्दै

    April 10, 2019     11:29 am

    चैत २७ । डिस मिडिया नेटवर्क प्रालि अन्तर्गतको डिसहोमले इन्टरनेट सेवा विस्तारका लागि रू. २० करोड लगानी गर्ने भएको छ । ३ महीनाभित्र तारमार्फत सेवा विस्तार थाल्ने तयारी भइरहेको कम्पनीका प्रमुख कार्यकारी अधिकृत सुदीप आचार्यले बताए । डिसहोमले ९ वर्षदेखि स्याटेलाइट प्रविधिमा आधारित डीटीएच टीभी सेवा दिँदै आएको छ । अब इन्टरनेट सेवा विस्तारमा पनि कम्पनी जुटेको हो ।

    त्यसका लागि प्रारम्भिक चरणमा रू. २० करोड लाग्ने आकलन गरिएको आचार्यले जानकारी दिए । ‘पहिलो चरणमै ठूलो लगानी गर्नुभन्दा सानो लागतबाट क्रमिक रूपमा सेवा र बजार बढाउँदै जाने योजना छ,’ उनले भने, ‘हामीले दुई किसिमबाट इन्टरनेट विस्तारको कामलाई अगाडि बढाउन खोजेका छौं, जसमा तारसहितको ‘वायर एफटीटीएच’ र ताररहित स्याटेलाइट प्रविधि छन् ।’

    उनका अनुसार नेपालको आफ्नै स्याटेलाइट नभएका कारण अन्य अन्तरराष्ट्रिय कम्पनीसँग सहकार्य गर्नुपर्छ । सोही कारण उक्त प्रविधिको इन्टरनेट सेवा विस्तार निकै खर्चिलो छ । आचार्यका अनुसार तारमार्फत सेवा दिन समस्या हुँदैन तर स्याटेलाइट मार्फत दिइने सेवाका लागि केही समय लाग्ने देखिएको छ ।

    कम्पनीले स्याटेलाइट इन्टरनेटका लागि दुई विदेशी कम्पनीसँग छलफल गरिरहेको छ । ती कम्पनीले आगामी असार १५ र कात्तिक १४ भित्र स्याटेलाइट प्रक्षेपण गर्ने तयारी भइरहेको जानकारी डिसहोमलाई दिएका छन् । कम्पनीले ती स्याटेलाइट कम्पनीको नाम खुलाएको छैन । ग्रामीण भेगमा पनि इन्टरनेट सेवा विस्तार गर्ने उद्देश्यले स्याटेलाइट प्रविधि रोजेको कम्पनीले जानकारी दिएको छ ।

    गत असार ३० मा डिसहोम र सिम टीभी आपसमा गाभिएका थिए । टेलिभिजन सेवाको लाइसेन्सबाटै इन्टरनेट सेवा विस्तार गरिने आचार्यले बताए । डिसहोमको इन्टरनेट विस्तार योजना राम्रो रहेको नेपाल दूरसञ्चार प्राधिकरणका कार्यवाहक अध्यक्ष पुरुषोत्तम खनालले बताए । अहिले नेपालमा करीब दुई दर्जन इन्टरनेट सेवाप्रदायक छन् ।

    टीभी च्यानल २४० पुर्‍याउँदै

    डिसहोमले २०७६ सालभित्र टेलिभिजन च्यानल २४० ओटा पुर्‍याउने तयारी गरिरहेको छ । हाल १७० ओटा च्यानल उपभोक्तालाई वितरण गरिरहेको छ । डिसहोमले नेपालमा टीभी हेरिने घरमध्ये २५ प्रतिशतमा पहुँच पुर्‍याएको छ । आचार्यका अनुसार हालसम्म १५ लाखभन्दा बढी सेट–टप बक्स बिक्री भइसकेका छन् । स्थापनाको करीब १ दशकमा टेलिभिजन सेवा दिएबापत उक्त कम्पनीले ४ अर्ब रुपैयाँ राजस्व तिरिसकेको छ । स्रोतःअभियान

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।