• займ онлайн

    पोखरामा नै रहेर जे–टेष्ट परिक्षा दिन मिल्ने व्यवस्था

    February 13, 2020     11:49 am

    पोखरा, माघ २९ । पोखरामा रहेका जापानीज् भाषा अध्ययनरत विद्यार्थीहरुलाई लक्षित गरी पोखरामा नै कम शुल्कमा जे–टेष्ट परिक्षा दिन मिल्ने भएको छ । सो को बारे बुधबार पोखरामा एक कार्यक्रमको आयोजना गरी जानकारी गरार्ईएको हो ।

    सांग्रिला एजुकेसन फाउन्डेशनको आयोजना एवं भाषा संघ नेपालको सहयोगमा आयोजित अन्तरक्रिया कार्यक्रममा जे–टेष्ट परिक्षाको बारे जानकारी गराइएको हो ।

    कार्यक्रमा बोल्दै जे–टेष्ट परिक्षाका संयोजक कृपानाथ श्रेष्ठले विद्यार्थीहरुलाई भाषा दक्षता प्रदान अभिप्रायले कार्यक्रमको आयोजना गरिएको बताउनुभयो । जापानिज् जे–टेष्ट परिक्षालाई विद्यार्थीहरुले गाह्रो मानिरहेको बुझाई रहेको भन्दै उहाँले परिक्षा सोचे जस्तो गाह्रो भने नरहेको श्रेष्ठले बताउनुभयो । उहाँले यस परिक्षा पोखरामा नै दिनसकिने हुँदा अब काठमाडौँ जाने झन्झटबाट पनि मुक्त हुने बताउनुभयो ।

    त्यस्तै भाषा संघ नेपालका अध्यक्ष प्रकाश कुमार श्रेष्ठले यस परिक्षा दुई महिनाको अन्तरालमा वर्षमा ६ पटक दिन सकिने भन्दै कम लागतमा व्यवस्थित तवरले परिक्षा दिन सकिने बताउनुभयो । आउँदा दिनहरुमा जापानबाट भाषा विशेषज्ञ भित्र्याएर पठनपाठनको अनुकुल बातावरण सृजना गर्ने उहाँले जानकारी दिनुभयो ।

    जापानको राजदुतावाससँग पनि सहकार्य गरेर जापानिज् कार्यक्रमहरु संचालन गर्ने भन्दै दुतावासबाट साथ दिने विश्वास व्यक्त गरेको कार्यक्रमका संचालक मोती श्रेष्ठले बताउनुभयो ।

    सो कार्यक्रमको अवसरमा जे–टेष्ट परिक्षाका संयोजक कृपानाथ श्रेष्ठले जापानिज् जे–टेष्ट परिक्षामा आधारित जे–टेष्ट परिक्षा तयारी पुस्तक सार्वजानिक गर्नुभयो ।

    कार्यक्रममा भाषा संघ नेपालका सल्लाहकार बिक्रम उदास, निवर्तमान अध्यक्ष युवराज खनाललगायत पोखरामा संचालित ४० वटा जापानिज् संस्थाका करिब १ सय जनाको उपस्थिती रहेको थियो ।

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।