• दिल्लीमा केजरीवालको ह्याट्रिक

    February 11, 2020     11:49 pm

    एजेन्सी । भारतको नयाँ दिल्लीमा विधान सभाका लागि भएको निर्वाचनमा आम आदमी पार्टी (आप) ६२ सीटमा विजय भएको छ । कुल ७० सीटको विधानसभामा आपले ६२ सीटमा विजय गर्दा भारतीय जनता पार्टीले जम्मा ८ स्थानमा जीत निकालेको छ भने केन्द्रमा प्रमुख प्रतिपक्षी दल भारतीय कङ्ग्रेसले कुनै पनि स्थान सुरक्षित गर्न नसकेको देखिएको छ ।

    दिल्ली विधानसभामा कङ्ग्रेसले मतगणनाको प्रारम्भिक चरणमा एक दुई स्थानमा अग्रता लिए पनि यो धेरै समय टिक्न सकेन । दिल्लीका मुख्य मन्त्री केजरीवाल विधानसभाका लागि भारी मतले बिजय भएका छन् । आपका केजरीवाले ४६ हजार ७५८ मत ल्याउँदा भारतीय जनता पार्टी (भाजपा) का सुनीलकुमार यादवले कुल २५ हजार ६१ मत प्राप्त गरेका छन् । आपले विजय हासिल गरेलगत्तै भारतीय प्रधानमन्त्री नरेन्द्र मोदीलाई सो पार्टी र अरविन्द केजरीवाललाई बधाई दिएका छन् । विजयी उम्मेद्वारहरुको शपथ ग्रहण समारोह शुक्रबार दिल्लीस्थित रामलिला मैदानमा हुनसक्ने भारतीय सञ्चारमाध्यामहरुले जनाएका छन् ।

    यसअघि सन् २०१५ मा भएको विधानसभा निर्वाचनमा पनि आपले ६७ सिटमा जित हासिल गरेको थियो । दिल्लीमा आपको उदय हुनुअघि काँग्रेस आइले लगातार ३ पटक सरकार बनाएको थियो । त्यसको नेतृत्व शिला दिक्षितले गरेकी थिइन् । यो पटक भने काँग्रेसका ६२ जना उम्मेद्वारको जमानत नै जफत भएको छ । Photo: BBC Hindi

    Pokhareli News

    Address 

    Pokhara – 8, Newroad, Damakal Marga

    Phone

    061-521497, 9805810051

    Email 

    pokharelinews@gmail.com

    Our Team

    Managing Director

    Khem Bahadur Gurung ‘Uttam’

    Chief Management Officer 

    Ekraj Giri

    Editor 

    Sanjaya Kumar Malla 9805810051

    More..

    About Us

    पोखरेली न्युज पोखराबाट प्रकाशित हुने साप्ताहिक पत्रिका हो । गण्डकी प्रदेशको राजधानी पोखराबाट स्थानिय, राष्ट्रिय तथा अन्तराष्ट्रिय समाचारलाई प्रमुखताका साथ स्थान दिइ पाठकको चाहना मुताविक अगाडी बढिरहेको छ । सत्य, तथ्य समाचारलाई पाठकमाझ ल्याइ समाज र देशलाई सकारात्मक बाटो तर्फ लम्काउनु नै हाम्रो मुल उद्देश्य हो ।