लेखनाथ उद्योग वाणिज्य संघको मतगणना सकियो, वरिष्ठ उपाध्यक्षमा श्रेष्ठ विजयी

लेखनाथ, असोज ५ । लेखनाथ उद्योग वाणिज्य संघको २५ औँ वार्षीक साधारण सभा तथा १३ औं महाधिवेशन अन्र्तगत नयाँ नेतृत्व चयनको लागी शनिवार सम्पन्न मतदान कार्यक्रम को मतगणना सम्पन्न भएको छ ।

सोमबार राति अबेर गरि आएको मत परिणाम अनुसार वरिष्ठ उपाध्यक्ष मतमा विनोद श्रेष्ठ विजयी भएका छन । उनले आफ्ना प्रतिष्पर्धी भरत कुमार अधिकारीलाई ५८ मतले पछि पार्दै वरिष्ठ उपाध्यक्ष पदमा जित हासिल गरेका हुन । उनले कुल ८ सय १ मत प्राप्त गरेका थिए भने उनका प्रतिद्धन्दी भरत कुमार अधिकारीले ७ सय ४३ मत प्राप्त गरेका थिए । भावी अध्यक्षको रुपमा समेत हेरीने उक्त पदमा यस अघिका प्रथम उपाध्यक्ष श्रेष्ठ र सल्लाहकार अधिकारी चुनावी मैदानमा उत्रेका थिए ।

यस्तै प्रथम उपाध्यक्ष पदमा राजेन्द्र ओझा विजयी भएका छन । उनले आफ्ना प्रतिद्धन्दी प्रकाशलाल श्रेष्ठ लाई १ सय ५२ मतले पछाडी पारेका हुन । ओझाले कुल ८ सय ५७ मत ल्याउँदा उनका प्रतिष्पर्धी श्रेष्ठले ४ सय ७९ मत ल्याएका छन । उक्त पदमा यस अघिका द्धितीय उपाध्यक्ष ओझा र पुर्व द्धितीय उपाध्यक्ष श्रेष्ठ चुनावी मैदानमा उत्रिएका थिए ।

संघको द्धितीय उपाध्यक्ष पदमा गोपिचन्द्र बाँस्तोला विजयी भएका छन । उनले आफ्ना प्रतिद्धन्दी शैलेन्द्रमोहन भटृराईले १सय ४७ मतले हराएका हुन । बाँस्तोलाले कुल ८ सय ५३ मत ल्याउँदा उनका प्रतिद्धन्दी भटृराईले ७ सय ६ मत प्राप्त गरेका थिए । बाँस्तोला यस अघिका महासचिव हुन भने भटृराई कार्यसमिति सदस्य हुन ।

निर्वाचनमा ऐतीहासिक मत ल्याउन सफल उपेन्द्रराज सुवेदी(राजु)ले ४ सय ६९ को फराकिलो मतान्तरले आफ्ना प्रतिद्धन्दी मेनुका श्रेष्ठलाई पराजित गर्दै महासचिव पदमा विजयी भएका छन । सुवेदीले अहिलेसम्मकै सर्वाधिक १ हजार १९ मत ल्याउन सफल भएका छन भने श्रेष्ठले जम्मा ५ सय ५० मत मात्र प्राप्त गरिन । सुवेदी यसअघि संघका उप–महासचिव पदमा रहेका थिए भने श्रेष्ठ कार्यसमिति सदस्य रहेकी थिईन ।

जानुका अधिकारी प्रत्यासी धिरज कुमार श्रेष्ठलाई पराजीत गर्दै उप–महासचिव पदमा निर्वाचित भएकी छिन । उनले श्रेष्ठलाई ३ सयकोे मतको फराकिलो अन्तरले पराजित गरेकी हुन । अधिकारीले ९ सय ३३ मत प्राप्त गर्दा श्रेष्ठले ६ सय ३३ मत प्राप्त गरेका थिए ।

यस्तै भरतराज ओझाले प्रतिष्पर्धी रामजी पौडेललाई ९५ मतले पराजित गर्दै कोषाध्यक्ष पदमा विजयी भएका छन । उनले ७ सय ५७ मत ल्याउँदा उनका प्रतिष्पर्धी पौडेलले ६ सय ६२ मत ल्याएका थिए । चुनावको २ दिन अगाडी उम्मेदवारी फिर्ता लिएर पौडेललाई सर्मथन गरेका भिम बहादुर नेपाली(काईला) ले १ सय २८ मत प्राप्त गरे । अन्तिम अवस्थामा उम्मेद्वारी फिर्ता लिदा यसको प्रत्यक्ष फाईदा ओझालाई पुग्न गएको छ ।

यता सदस्य खुल्लातर्फ उम्मेद्वारी दिएका २० जना उम्मेद्वारहरुलाई पराजित गर्दै ८ जनाले जित हासिल गरेका छन । विजयी हुनेहरुमा विक्रम कर्माचार्य, बुद्धि प्रसाद बाँस्तोला, ध्रुवबाबु भटृराई, ईन्दिरा रोका, जिवन तिवारी, भरत थापा, पुष्पमणि भण्डारी र हरी वस्ताकोटी रहेका छन ।

सदस्य मध्येबाट विक्रम कर्माचार्यले ९ सय ५८ मत ल्याएका छन भने बुद्धि प्रसाद बाँस्तोलाले ८ सय ९२, ध्रुवबाबु भटृराईले ८ सय २४, ईन्दिरा रोकाले ७ सय ९४, जिवन तिवारीले ७ सय २१, पुष्पमणि भण्डारीले ६ सय ७५, भरत थापाले ६ सय ७१ र हरी वस्ताकोटीले ६ सय २९ मत ल्याउन सफल भएका हुन ।

यस्तै महिला सदस्यमा उम्मेदवारी दिएका ५ जना मध्येबाट २ जना विजयी भएका छन । विजयी हुनेहरुमा गंगा कुमारी मल्लले ८ सय ९५ मत प्राप्त गरेकी छिन भने रञ्जना बरालले ७ सय ९१ मत प्राप्त गरेकी छिन ।

संघको १३ औं महाधिवेशनमा यस अघि नै अध्यक्ष पदमा वर्तमान छत्रधर आत्रेय, संस्थागत सदस्यमा रामबहादुर गुरुङ र एशोसियट सदस्यमा मेघराज पौडेल निविरोध निर्वाचित भईसकेका थिए । विजयी उम्मेद्वारहरुलाई सोमबार राति नै विजयीको प्रमाणपत्र प्रदान गरिएको छ ।

Related Articles

Leave a Reply

Your email address will not be published. Required fields are marked *

Back to top button